alexgirls

تتحــــــــــــــــــــدى المـــــــــــلل
 
التسجيلالرئيسيةالبوابةدخول

شاطر | 
 

 تفتكر أنت لو فى الموقف ده هتعمل أيه ؟ (صحيح الحب بهدله ! )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
SanDrA
Moderator
avatar

انثى
عدد الرسائل : 9
العمر : 26
المزاج : دلوعه ماما وبابا
تاريخ التسجيل : 04/05/2008

مُساهمةموضوع: تفتكر أنت لو فى الموقف ده هتعمل أيه ؟ (صحيح الحب بهدله ! )   السبت يوليو 12, 2008 4:01 am


كلنا عارفين ان الحب بهدله .. طب وبعدين ..
أتنيلنا وحبينا .. بس حب بجد مش بتاع اليومين دول .. والحل ؟

السؤال ده بيحصل كل يوم فى كل بيت وكل مكان...
سؤال الافلام جاوبت عليه بطريقتها...لكن لو جالك السؤال ده فى الواقع...يا ترى هتعملى ايه.

لو لقيتى الانسان اللى بتحلمى بيه وتتمنيه من وانتى صغيرة
الانسان اللى يحرك احاسيسك ومشاعرك وكل شى جميل جواكى
الانسان اللى تشوفى فيه طفولتك وشبابك ومستقبلك وكل ايامك
الانسان اللى يحبك انتى بس ويحترمك ويقدر مشاعرك وكل زرة حب جواكى

ويكون الانسان ده كمان هو فى نفس الوقت..انتى بالنسبة له كل حاجة..وانك الانسانة اللى حلم بيها واتمناها من طفولته
وقال ليكى من قلبه ومن صدق...انا بحبك...بحبك انتى بس ومش عايز من الدنيا اى حاجة الا انتى بس
انتى دنيتى اللى هعيش فيها..وليها..حبيبتى انا ليكى...ومش عايز اكتر من انك تقولى من قلبك انك ليا

واتعاهدتم طبعا على الحب فى الحياة وما بعد الحياة...وان مش هيفرقكم شى فى يوم الا الموت
وبعد كده جه الانسان ده عشان يتقدم ليكى عشان تكتمل الفرحة..والحياة اللى مش هتبقى حياة الا وانتم الاتنين مع بعض
ولانه ما يقدر يعيش لحظة واحدة وانتى مش معاه ....
لكن.....
الاهل رفضوه لاسباب تافهة...مثلا (الانسان احنا مش شايفينه لايق ليكى...دة مش من مستوانا...بكرة يجيلك احسن منه...دة قدامه كتير عشان يوصل للمستوى اللى نتمناه فى عريسك احنا غرضنا مصلحتك)

وطبعا الانسان دة لانه بيحبك اتقدم اكتر من مرة...وجه على كرامته فى حجات كتير عشان خاطرك
لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة البنت

لغاية ما قال ليكى فى يوم...حبيبتى...انا اتمنيتك انتى من الدنيا كلها...
وضحيت بحجات كتيرة وده لانى حبيتك انتى بس ومن قلبى .....واختارتك انتى عن الدنيا كلها
ودلوقتى جه وقت اختيارك...
اما انا.....أو أهلك
مش هقول ايه هو الرد الصحيح
بس هقول ايه هى الاجابة المنطقية يا ترى


يا ترى اى بنت فى الموقف دى هتقول ايه ؟؟؟
ويا ترى راى الشباب فى الموضوع ده ايه برضه ؟؟؟

إحنا فعلا محتاجين ‘ننا نتكلم فى الموضوع ده

يارب يكون التوبيك عجبكم

وألاقى ردود مقنعه

ولكم منى أرق تحياتى
ســــــاندى أحمد

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
**Mado**

avatar

ذكر
عدد الرسائل : 26
العمر : 29
المزاج : im free
تاريخ التسجيل : 28/06/2008

مُساهمةموضوع: رد: تفتكر أنت لو فى الموقف ده هتعمل أيه ؟ (صحيح الحب بهدله ! )   السبت يوليو 12, 2008 5:32 am

زي ما قلتي ان الموقف ده اتعرضت له الافلام والتمثيليات كتير
وكل مخرج بيحل المشكله من وجهة نظره عشان يوصل في الاخر للنهايه الي هو عايزها

طيب لو قلنا ان حد فينا اتعرض للموقف ده في حياته الحقيقيه
وتخيل نفسه  بيمثل فلم او تمثيليه
ساعتها الشخص ده حيكون هو المؤلف و المنتج والمخرج لتمثيليته الخاصه الي بيختارفيها كل حاجه على ذوقه
فهو الي بيختار البدايه بانه بيحب الشخص ده وبيختار انه يحلم معاه عن حياتهم المستقبليه معا
وهو -بس- الي ليه الحق ايضا انه يختار النهايه الي بيشوف انها انسب للقصه دي
بس ده طبعا على اساس ان الشخص ده بيتخيل نفسه في فيلم او تمثيليه!!!

للاسف يا ساندي الحياه مش بسيطه كده زي مابتكون في الافلام والتمثيليات
والاسباب الي انتي شيفاها تافهة على انها تكون سبب في تفرقه حبيبين
ممكن تكون اكبر من كده بكتير
مش من وجهة نظرنا احنا لكن من وجهة نظر القانون
فالقانون في حالة لما يكون الزوج مش من مستوي زوجته
بيسموه -غير كفء لها- و في الحاله دي لولي المرأه -باباها- الحق في انه يمنعها من الزواج ولو اتجوزت فله الحق في طلب الفسخ من المحكمه والمحكمه لو تبينت ان الزوج فعلا غير كفء لزوجته بتحكم بالفسخ
بس الكلام ده بالنسبه للمرأه بس لكن الراجل ينفع يتجوز بغير كفء له
وده لان الزوج هو الي بيتم التقدير على اساسه في الحياه الزوجيه بعد كده
يعني الزوجه مش حيتأثر لو زوجته في منصب اقل منه في شغلها او حتى لو مش بتشتغل اصلا
لكن لو وحده دكتوره مثلا اتجوزت زبال
ساعتها حيختلف الامر طبعا
(وده طبعا مع كامل احترامي للزبال والله. الشغل مش عيب يا جماعه)
وفي ظل قوانين زي دي بيتراجع الحب في بعض الاحيان عن تحديد المصير

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*~*wessam*~*
Admin
avatar

انثى
عدد الرسائل : 298
المزاج : moody
تاريخ التسجيل : 25/01/2008

مُساهمةموضوع: رد: تفتكر أنت لو فى الموقف ده هتعمل أيه ؟ (صحيح الحب بهدله ! )   السبت يوليو 12, 2008 4:30 pm

كويس يا مادو والله انك كلمتنا من الناحية القانونية لاننا منعرفش عنه حاجة
بس انا بالنسبة لى لو اتعرضت للموقف دا حايكون رد فعلى هو انى اختار اهلى طبعا
لان هى دى الاجابة المنطقية من وجهة نظرى انا
ميرسى يا جميل على التوبيك الجامد دا

_________________


*wessam wageih*
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alexgirls.montadalhilal.com
Sir.Hitler

avatar

ذكر
عدد الرسائل : 35
العمر : 29
المزاج : مـتـقـاـب
تاريخ التسجيل : 05/07/2008

مُساهمةموضوع: رد: تفتكر أنت لو فى الموقف ده هتعمل أيه ؟ (صحيح الحب بهدله ! )   الأحد يوليو 13, 2008 8:01 am

موقف صعب جدا بصراحه وبيكون اصعب بالنسبه للراجل لان عشان راجل يحب دي مش سهله , وانه يفقد الحب دا أصعب و اصعب ,,

انا شايف عشان يكون في تناسب بين الطرفين لازم يكون في مساواه او قرب ف التفكير بينهم , ف المستوي الاجتماعي , ف التدين , لان مش نقول هوا من عيله فقيره او العكس , هييجي ف يوم من الايام هتحصل مشكله و طرف من الطرفين غصب عنه الشيطان ممكن يخليه يعايرها بمستواها الاجتماعي او الفكري او الديني ,,,
عشان كدا بشجع انها تسمع كلام اهلها , لان حتي لو هيا اختارته ربنا مش هيباركلهم ف الجوازه دي , واساسا لو هوا خيرها الخيار دا , ماعتقدش انه بني ادم كويس , لان اللي ميحترمش االأهل و فيمتهم مش هيحترم زوجته و لا هيقدرها , ولو فكرت هيا و سألته " هترضاها لأختك " ماعتقدش ان جوابه هيكون بالإيجاب ابدا , و اكيد لو هيا اختارت الاهل و داست علي قلبها اكيد ربنا هيرزقها بانسان يعوضها عنه ميت مره ...



تسلمي يا قمرعالتوبك



احمد
---.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تفتكر أنت لو فى الموقف ده هتعمل أيه ؟ (صحيح الحب بهدله ! )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alexgirls :: رومانتك :: الحب بهدلة-
انتقل الى: