alexgirls

تتحــــــــــــــــــــدى المـــــــــــلل
 
التسجيلالرئيسيةالبوابةدخول

شاطر | 
 

 ماذا تفعل لو كنت مكانى؟

اذهب الى الأسفل 
كاتب الموضوعرسالة
*~*wessam*~*
Admin
avatar

انثى
عدد الرسائل : 298
المزاج : moody
تاريخ التسجيل : 25/01/2008

مُساهمةموضوع: ماذا تفعل لو كنت مكانى؟   الأحد يوليو 13, 2008 2:44 am

السلام عليكم ورحمة الله وبركاتة
ماذا تفعل لو كنت مكانى ؟
سؤال جميل وغريب وطبعا احنا كل يوم بننتقض العيشة واللى عيشنها والحكومة والناس كلها ودة طبعا علشان الحال المايل اللى الامة الاسلامية والعربية بتعانيةودايما نقول ازاى يحصل كدة وازاى تتاخد القرارات دى؟
فتعالوا نلعب لعبة جميلة يمكن تجيب فايدة وهى ان كل واحد يتخيل انة مسك مسئولية القرار لمدة سنة ويبتدى يصلح كل اللى مش عجبة ونشوف هيعمل اية
من الان كل واحد يتخيل نفسة مسك الحكم لمدة سنة ويورينا شطارتة هيعدل الحال المايل ازاى للامة كلها
يلا انا فى انتظار قراراتكم يا ترى اية اول قرار هتخدة؟

_________________


*wessam wageih*
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alexgirls.montadalhilal.com
Sir.Hitler

avatar

ذكر
عدد الرسائل : 35
العمر : 29
المزاج : مـتـقـاـب
تاريخ التسجيل : 05/07/2008

مُساهمةموضوع: رد: ماذا تفعل لو كنت مكانى؟   الأحد يوليو 13, 2008 7:35 am

فكره جميله جدا

أول قرارات هنفذها

" مسح شامل لكل مسئول عن حاجه ف البلد " اللي بينهبو من خير البلد و مش مكفيهم ...

" انتخابات حره و ديمقراطيه للشعب , مش زي مابيحصل دلوقت للإخوان "

" تطبيق جميع تعاليم و أسس الإسلام علي طريقة ادارة كافة الشئون الادارية و الحكومية ف الدولة "

" حل مشاكل المواصلات و رغيف العيش و البطاله "

" انشاء مدن سكنيه جديده و إزالة المناطق العشوائية و زيادة المساحات الخضراء بوسط المدينه للحد من التلوث "

" الاهتمام بدور المسنين و الايتام و المعاقين بدنيا و المستشفيات "

" الغاء نظام الجامعات و المدارس المشتركه , و طبعا بتشوفو المهازل اللي بتحصل ف الكليات و المدارس من الشباب و البنات بسبب اختلاطهم بدون اي حدود "

" تعديل شامل لجميع انظمة التعليم بالدوله "

" عمل وزارة لتزويج الشباب الغير قادر , للحد من نسبة العنوسه للجنسين "

" الاهتمام بشباب الخريجيين المتميزين في مجالاتهم و الاستفاده منهم في مجالهم "

" منع صنع السجائر محليا او استيرادها او تدخينها للحد من التلوث و الحفاظ علي الشباب "

" زيادة التوعيه الفكريه و الدينيه للدوله عن طريق الاعلام المتميز , و عمل حظر لجميع القنوات الغير هادفه بالدش "

" طبعا هعينكم وزراء عندي بس امسكها بس و مالكمش دعوه باي حاجه Smile "
اقولكم , انا هرشح نفسي لرئاسة الجمهورية ف المدة الرئاسية اللي جايه Smile



تسلمي يا قمر عالتوبك الجامد



احمد
----
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
**Mado**

avatar

ذكر
عدد الرسائل : 26
العمر : 29
المزاج : im free
تاريخ التسجيل : 28/06/2008

مُساهمةموضوع: رد: ماذا تفعل لو كنت مكانى؟   الإثنين يوليو 14, 2008 8:01 pm

حتعينا وزراء
اهو بدأنا وصايت من اولها
lol
بس انا عندي تحفظ على مادتين من الدستور الجديد يا سيد احمد
الاولى
وهي الغاء المدارس والجامعات المختلطه
انا شايف ان ده مش حيكون حل للمهازل الي بتحصل لأنك ممكن صح تمنعهم من انهم يتقابلو في الكليات والمدارس بس مش حتمنعهم من كده براها
الا لو عملت ده على مستوى الجمهوريه كلها, يعني تخلي مصر السيدات ومصر الرجال, زي التويلت كده
وبردو ده مش حيكون حل
الحل هو انك تمسك العمليه دي كلها من اولها وهي انك تنظف عقول الشباب المصري -من الجنسين-سواء الشباب الي بيمشي يعاكس على روحه, او البنات الي بتمشي لابسه لبس مش لايق عليها اصلا -قال يعني البت هوت- عشان تتعاكس وهي تكون ولا هوت ولانيله, بس كل الي عملته انها ازت الي بصو عليها, مش عشان ذنوب ولا حاجه ده بس عشان منظرها المقزز.
لو انت استطعت تنظف الافكار البيئه دي الي للاسف قلدناها من بره تقليد اعمى-بناخد الوحش ونسيب الحلو- يباه انت ساعتها مش حتخاف من اختلاط البنت مع الولد بعد كده
الحب مش عيب ولا حرام
وكذالك الاعجاب
دي مشاعر ربنه حطها فينا عشان نتقارب من بعض وتستمر الحياه
بس الي حرام ان الواحد يستغل المشاعر دي غلط ويخلطها باحاسيس تانيه مش المفروض انها تكون في الوقت ده
وده للاسف الي بنفتقده في علمنا وتربيتنا ان احنا نعرف ازاي نفرق ونفصل بين مشاعرنا
الماده التانيه وهي عمل وزاره للتزويج
ودي انا بعترض عليها لانها مش حيكون ليها لازمه لو عرفت تطبق الكلام الي فوق
لان على فكره مش كل قضايا العنوسه سببها عدم مقدرة الشباب على توفير مستلزمات الزواج
سعات بيكون سببها ان البنت بتخاف تختلط مع الرجاله اصلا بسبب افكارهم الغير سليمه-من معاكسات او كلام مابيتقالش في مكانه- فاتفوت على نفسها فرصة لقاء الرجل المناسب لحياتها الزوجيه
بس للاسف بيكون عندها حق
لكن لو كل شاب او راجل يراعي ربنه في بنات الناس ويعتبرهم زي اخواته
ساعتها مش حيكون في قلق
وساعتها ممكن تسمي وزارتك الجديده (وزارة دعم  الشباب) ودي تكون مش بس للشباب المقبلين على الزواج ولكن حتى المقبلين على مشروعات جديده في حياتهم العمليه

انا عارف اني طولت ويمكن وجهة نظري مش واضحه اوي
بس ده عشان انا فعلا بتدايق اوي من التصرفات غير الائقة الي بنشفها كل يوم في الشوارع والمولات وكل مكان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Sir.Hitler

avatar

ذكر
عدد الرسائل : 35
العمر : 29
المزاج : مـتـقـاـب
تاريخ التسجيل : 05/07/2008

مُساهمةموضوع: رد: ماذا تفعل لو كنت مكانى؟   الثلاثاء يوليو 15, 2008 4:37 am



عجبني كتير ردك يا اخويا مادو , بس ليا تعليق علي نقطتين متناقضتين ف رأيك ,,, I love you



ودي انا بعترض عليها لانها مش حيكون ليها لازمه لو عرفت تطبق الكلام الي فوق Exclamation



ماهو نفس الفكره بالنسبه لموضوع فض الاختلاط بين الشباب , لانهم بعد مايطبقو بقيت القوانين دي مش هيكونو بالمنظر اللي بتقولي عليه , من لبس الي حب الي اخره .... Rolling Eyes



, وبالنسبه لموضوع الحب انا شايف ان المجال الوحيد الأمن ف موضوع الحب دا ( أمن و صحيح : دينيا و اخلاقيا و اجتماعيا ) عودة الارتباط الاسري زي زمان ,, زمان كنا كأهل بنخرج مع بعض , ان كان مصيف او نادي او او ,, ممكن الشباب هنا تتلاقي افكارهم و احاسيسهم ف جو اسري جميل - والاهل عمرهم ما هينتقضوهم الا لو عملو حاجه مخالفه للادب , غير كدا هيبصولهم اكنهم ولادهم ولو حصل اي نوع من انواع الاعجاب بينهم بيكون تحت اعين الأهل , مش من وراهم .... Rolling Eyes



بالنسبه لرأيك الثاني عن وزارة ( تزويج الشباب ) , انا مقصدتش بيها اعانه ماديه بس , ليها مجالات كتير اعم و اكتر من كدا , يعني يعينوهم ماديا و فكريا و معنويا , باسس الزواج السليم و اسبابه ..الخ ,, اساسها الاعانه المعنويه الأول بعدين الماديه ... Rolling Eyes



وبعدين تعالي هنا , فين ردك عالموضوع اصلا , لما هتبقي ريس هتعمل ايه يا ريس pirat



اخوك ف الله : احمد
..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
**Mado**

avatar

ذكر
عدد الرسائل : 26
العمر : 29
المزاج : im free
تاريخ التسجيل : 28/06/2008

مُساهمةموضوع: رد: ماذا تفعل لو كنت مكانى؟   الثلاثاء يوليو 15, 2008 6:12 am

شكرا احمد على التوضيح
انا والله بس كنت عايز اتكلم عن النقطه دي بالذات كموضوع عام, وبصراحه لما انت ذكرته لقيتها فرصه اعبر فيها عن رايي في الموضوع ده

اما عن موضوع اني اكون الرئيس فا انا والله مش عارف انا لو بقيت الرئيس حعمل ايه
و لحد ما اعرف حبقا اعمل ايه ساعتها, انا بديك صوتي في الانتخابات الجديده
ويمكن على فترة الرياسه الي جايه اكون عرفت وارشح نفسي قصادك
ولا انت حتخلي نظام الحكم قابل للتجديد لفترات اخرى منغير تحديد!!!ا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Shut Up

avatar

عدد الرسائل : 43
تاريخ التسجيل : 06/02/2008

مُساهمةموضوع: رد: ماذا تفعل لو كنت مكانى؟   الأحد يوليو 27, 2008 7:51 pm

انا لو كنت رائيسا للجمهورية اولا كنت حاول اعمل على تقوية إقتصاد مصر عشان اعرف ادعم بقيت المشاريع كالاتى

اولا اقفل الجمارك و أعليها جدااااااااااا عشان يبقى سعر المتنج الأجنبى غالى جداااااااا و ده بعد طبعا ما أعمل مصانع لانتاج نفس المنتجات بمساعدات الخبراء الأجانب لتدريب المصريين على التقنيات

اطهر ارضى من كل رأس مالى اجنبى

ازود ميزانية التعليم الصناعى و اطوره لأن مينفعش دولة كلها مهندسين و دكاترة فقط


اطبق نظام العدالة الإجتماعى بس مش زى ما عبالناصر عمل مش هامم الرأس مال المصرى بل الأجنبى و أخلى لاإداة بتاعته تبقى عن طريق شركات متخصصة فى الإدارة

اطالب برسوم قناة السويس بالجنيه المصرى لأن ده هيخلى سعر الجنيه عالى جدااا

ابتدى بتحسين العلاقات مع جراننا العرب و محاولة تدعيم الدولة العربية الواحدة



تغير نظام التعليم بأكمله

اخلى الجامعات إما بمصاريف عدا القلة يخضعون لإختبار قبول " شيىء من هذا القبيل للملهوش معهوش يجيب مصاريف "


ازود رواتب الموظفين الحكوميين عشان يشتغلوا بضمير


بعد ما اتأكد من ان المنتج بتاعى له قدرى ينافس المنتج الغربى ابتدى اصدر للدول العربية اولاً ويكون لهم اولوية

ثم للدولة الغربية " مثلما فعلت اليابان "

اعمل على تطهير الجيش من الأدارة و الخ.....


اعمل على جعل لشخصية المصرية وزنها و استرجاع كرامتها


اقلل صلاحيات الشرطة تمام " الشرطة تبقى فى خدمة الشعب مش قفاه "

و ارجع الديقراطية و اقضى على الأحزاب السياسية اللى ملهاش لزمة و تثير المشاكل عن طريق المحاكم ليس المعتقلات

و لسه كتير.....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*~*wessam*~*
Admin
avatar

انثى
عدد الرسائل : 298
المزاج : moody
تاريخ التسجيل : 25/01/2008

مُساهمةموضوع: رد: ماذا تفعل لو كنت مكانى؟   الثلاثاء أغسطس 12, 2008 12:32 am

والله هى ردودكوا فيها حاجات جامدة فعلا لو اتعملت حاتبقى مصر دى من احسن الدول فى العالم كله مش فى الدول العربية بس
وانا بأيد جدا حكاية قفل الجمارك دى عشان فعلا حاتبقى مفيدة لينا وحتنشط الاقتصاد عندنا جداا ورايي كمان ان المفروض اننا نغير نظام التعليم عشان حايكون فعلا احسن كتير
و فكرة حل مشكلة المواصلات ورغيف العيش والبطالة دى جامدة اوى
وكذلك فكرة انشاء المدن الجديدة
عموما شكرا ليكم كلكوا على الردود دى واكيد كلنا بنتمنى ان مصر تكون احسن بلد فى الدنيا واكيد بندعى بكدا كمان
وان شاء الله ربنا يقبل دعائنا

_________________


*wessam wageih*
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alexgirls.montadalhilal.com
 
ماذا تفعل لو كنت مكانى؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alexgirls :: منتدايات بنات اليكس العامة :: خش يابنى واحنا المسئولين-
انتقل الى: