alexgirls

تتحــــــــــــــــــــدى المـــــــــــلل
 
التسجيلالرئيسيةالبوابةدخول

شاطر | 
 

 رقم محمول الرئيس ...؟!

اذهب الى الأسفل 
كاتب الموضوعرسالة
*~*wessam*~*
Admin
avatar

انثى
عدد الرسائل : 298
المزاج : moody
تاريخ التسجيل : 25/01/2008

مُساهمةموضوع: رقم محمول الرئيس ...؟!   الأحد أبريل 06, 2008 2:54 am

الريس جاب محمول يا جماعة و ياترا بقي خط ولا كارت

رقم محمول الرئيس ...؟!

أشارت مجموعة منتقاة من خبراء الترويج والعلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ....وافق الرئيس علي مضض وعلي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ... بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها :

((إتصل برقم الرئيس ..وإنت وأهلك تهيص .... ))

((إتصل بالرئيس ... يكون لك خير ونيس ....))

ولم تنس الدعاية المرأة في هذه الحملة فكان منها ما يقول :

(( إتصلي بالرئيس .... وبكره يجيلك العريس .... ))

وكان للأطفال أمل الغد أيضاً نصيب فكتبت لهم إعلانات تقول :

(( كلموا عمو الريس .... قبل ما يموت ويفيص ))

هذا خلاف الإعلانات التليفزيونية والكليبات المثيرة التي رصد لها الملايين حتي تخرج الحملة بصورة مشرفة ووطنية ....

وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :

آآآلو الريس فين ... الريس هنا ...هنا هو ... أقولوا مين بيكلموا ...

وذلك لأن هذه الأغنية سهلة وتوحي أن الرئيس قريب ومتواصل مع شعبه ...

وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...

جاءت ساعة الصفر .... وبدأت الخدمة ... وتلقي الرئيس عدة مكالمات :



المكالمة الأولي :

- ألو ....

- أيون ...

- إنت الريس ...

- أيون يا حبيبي ... إيه مشكلتك ....

- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...

- بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!

- شكراً ياريس ..ربنا يخليك لنا ويخليك للوطن ... ؟



المكالمة الثانية :

- ألو

- أيون

- الريس معايا شخصياً

- أيون ... قول يا مواطن ... إيه مشكلتك ...

- أنا ياريس وغيري ملايين ساكنين في المقابر وتحت الكباري وفي عشش في ال ...في ال

- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...

- فاهم فاهم يا ريس ...

- كمل يا مواطن ...

- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...

- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..

إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ...

وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!

- طب ما تيجي ياريس تتعظ عندنا شوية ...

- إخرس ... يا ..(....)

دببببب ...

وتم غلق الخط ...



المكالمة الثالثة :

- ألو ....

- أيون

- الريس حبيبنا معانا ....

- أيون أيوه كده ....إيه مشكلتك يا حبيبي ...؟؟

- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...

- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...

- ياريس عايز أكون نفسي ...

- ما تكونها يا حبيبي حد حايشك ...؟!!

- أكونها إزاي من غير شغل ..؟؟

- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...

دبببب ...وتم غلق الخط ....



المكالمة الارابعة ...

- ألو ..صباح الخير ياريسنا يا جميل ...

- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...

- أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....

- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....

- ياريس ... نفسي أحب وأتحب ....

- يا مواطنة ... حب الوطن كفاية عليكي ....

- يعني أتجوز الوطن وأجيب منه عيال ..!!!

- يوووه ... إنت مش عجبك كلامي طيب ...

دبببب .. وإنتهت المكالمة ....



وأخيراً ... حد عايز الرقم يطلب ويجرب ..... يتصل بي أويكتب لي...وأنا أعطيه له فوراً ....بشرط يقول حيقول للريس بتاعه إيه لو كلمه في التليفون ...!!! ؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alexgirls.montadalhilal.com
~*برنسيس المنتدى*~
Admin
avatar

انثى
عدد الرسائل : 59
العمر : 28
المزاج : شغاااااااال
تاريخ التسجيل : 26/01/2008

مُساهمةموضوع: رد: رقم محمول الرئيس ...؟!   الإثنين أبريل 07, 2008 2:24 pm

هههههههههههههههههههههههههههه
حلو اوى الموضوع وانا هبدأ:

آآآلو الريس فين ... الريس هنا ...هنا هو ... أقولوا مين بيكلموا ...

-الوووووووووووو

*ايون

-ازيك يا اونكل مش الريس معايا برده

*ايون انا الريس معاكى ياكتكوتة عايزة اية ياامورة

-وانبى يا اونكل انا عندى مشاكل كتير اوى ممكن اقولهم

*طبعا ياحبيبتى انا معاكى ومشاكلك كلها ان شاء الله هتتحل

-انا عندى 18 سنه وفى كليه سياحة وفنادق اسكندرية عندنا يا اونكل جمب باب حقوق اللى بندخل منه اصل سياحة مش ليها باب واحنا بنرخم على حقوق وندخل منها المهم دى مش المشكله انا بيبقا عندى محاضرة الساعه 9 الصبح بصحى يا اونكل الساعه 8 الصبح والله وبنزل على طول اروح مش بلحق افطر وباخد معايا وانا نزله 5 ج على الماشى اروح بيها الكليه المهم يا اونكل انى بحب البومبونى اللى هو هولز اللى لونها احمر عارفها حضرتك يا اونكل

*ايوة عرفها ياحبيبتى

-كنت بشتريها الاول بجنيه واحد وفيها 9 بومبونيات والله يا اونكل دلوقتى بقيت بجنيه ونص وانا زعلت اوى انها غليت عشان بتخلاص ال5 ج بتاعتى فامش بقيت اجيب من الدادة اللى اعدا جمب باب الكليه وانا بحب اوى اكل البومبونى وانا فى المحاضرة يا اونكل اعمل اية يا اونكل فى المشكله دى

*ياحبيبتى انتى فى نعمه احنا غالينه الهولز دى عشان الناس الاستايل زيك هما بس اللى يشتروها بتوع والبيئه ميشتروهاش هو كل من هب ودب ياكل هولز اية بقا المشكله التانيه

-المشكله التانه بقا يا اونكل انا موبايلى موبينيل اتكلم من القلب وانا برده يا اونكل من خط الخرجين 2007 وعندى مسيدجات فرى كل ما ابعت رساله لحد توصل للحد دا وحد تانى والحد التانى يتصل بيا وهو مضايق انى بعتاله مسيدج هو مش فاهمها لانى بكلم الحد الاول اللى انا بعتاله اصلا وكلمت الكوستمر سيرفس بتاعتهم احكلهم اللى بيحصل اعدو يضحكو على يا اونكل تخيل هو انا عملتلهم اية ياعنى عشان يضحكو عليا Neutral Neutral Neutral

*خلاص ياحبيبتى متعيطيش انتى مش فهمه النظرية هما بيبعتو رسالتك لحد تانى عشان يتصل بيكى وتتعرفى عليهم عشان نخلى الوطن مجتمع متعاون ومتعارف وايد وحده ويمكن تلاقى ابن الحلال بالطريقه دى اللى ياخدك على حصان موف ويطير بيكى فى دنيا الاحلام

-اوكى ميرسى جدا يا اونكل بس ممكن ابقا اتصل بيك يوم تانى عشان عندى مشاكل تانيه بس لازم انزل دلوقتى عشان الكار بتعتنا بتعمل انذار واكيد فى حرامى يا مامىىىىىىىىىىىىىىىىى سلام يا اونكل
lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*~*wessam*~*
Admin
avatar

انثى
عدد الرسائل : 298
المزاج : moody
تاريخ التسجيل : 25/01/2008

مُساهمةموضوع: رد: رقم محمول الرئيس ...؟!   الأربعاء أبريل 16, 2008 4:33 pm

اونكل اه
بقى انتى بتتصلى بالريس عشان كيس بومبنى الحقيقة الموضوع مهم جدا فعلا يستاهل انك تتصلى بالريس فيه
ههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alexgirls.montadalhilal.com
AmRoo

avatar

ذكر
عدد الرسائل : 19
العمر : 29
المزاج : CoOL
تاريخ التسجيل : 01/05/2008

مُساهمةموضوع: رد: رقم محمول الرئيس ...؟!   الخميس مايو 01, 2008 11:24 pm

هههههههههههههه....
موضوع جميـــل والله...
بس الريــس مايقــدرش يعمل كده يــا جمــاعه لانــه عــارف أن مافيش مكالمات هتيجــى غير شتــايم..
Laughing Laughing Laughing Laughing
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*~*wessam*~*
Admin
avatar

انثى
عدد الرسائل : 298
المزاج : moody
تاريخ التسجيل : 25/01/2008

مُساهمةموضوع: رد: رقم محمول الرئيس ...؟!   الجمعة مايو 02, 2008 5:34 pm

لالا ماحنا نكلمه الاول ونقول اللى احنا عايزينه وبعد كدا نبقى نشوف رد الفعل ايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alexgirls.montadalhilal.com
Sir.Hitler

avatar

ذكر
عدد الرسائل : 35
العمر : 29
المزاج : مـتـقـاـب
تاريخ التسجيل : 05/07/2008

مُساهمةموضوع: رد: رقم محمول الرئيس ...؟!   الثلاثاء يوليو 08, 2008 1:21 am

ههههههههههههههههههههههههه

موضوع جامد جدا Very Happy

واحلي حاجه القفشات دي rabbit

بإذن الله بايتين كلنا ف التخشيبه بكره عشان نجرب موضوع الساعه الرقميه دا bounce Smile))))))

والله بحبك يا ريس I love you

انا ماليش دعوة بحد هنا انا مش عارف ايه اللي جابني هنا اصلا rabbit

انا عن نفسي سعادتك مبشيلش موبايل اصلا Sleep :d

وربنا يديك الصحه يا ريس :* I love you

------------
[b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*~*wessam*~*
Admin
avatar

انثى
عدد الرسائل : 298
المزاج : moody
تاريخ التسجيل : 25/01/2008

مُساهمةموضوع: رد: رقم محمول الرئيس ...؟!   الثلاثاء يوليو 08, 2008 5:51 pm

ههههههههههههههههههه حلوة بايتين فى التخشيبة دى
بس ايه موضوع الساعة الرقمية دى انا عمرى ما سمعت عنها

_________________


*wessam wageih*
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alexgirls.montadalhilal.com
 
رقم محمول الرئيس ...؟!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alexgirls :: منتدايات بنات اليكس العامة :: خش يابنى واحنا المسئولين-
انتقل الى: